శివయ్య

గుడి కట్టిన స్నేహం నేనొదలక
ముడి పెట్టిన బంధం నన్నొదలక
కొడి గట్టిన ప్రాణం కనుదాటక
పగ బట్టిన పాశం వెంటాడగ
నేనొల్లను రా శివా!
నా తూరుపు తెల్లారనిదే
నేనొరగను రా శివా!
నేనొదగను రా శివా!!
✍ @venkatniyogi

శిగన చంద్ర మకుటం పొంగు గంగ కెరటం
నీలి గరళ కంఠం హిమ నగరిలో పీఠం

గిరి తనయతో మనువు సగం పంచిన తనువు
వల్లకాటిన నెలవు ఉసురు తీయుటె కొలువు

త్రిశూల ధారిణం త్రినేత్ర వీక్షణం
త్రిమూర్తి రూపిణం త్రిలోక పూజితం

నామ శంకరుడు రూప సుందరుడు
కాల తిమిహరుడు లోక భవహరుడు

హరహర శంభో పదముప్పొంగ
శివ నామంబది హోరెత్తంగా
ప్రదోష కాలపు పూజలనందగ
వేగమె రారా ద్వాదశ లింగా
✍ venkatniyogi